Edgar Varése

Edgar Varése (1883-1965) var fæddur í Frakklandi en eyddi meirihluta æfinnar í Bandaríkjunum. Þrátt fyrir að heildarlengd allrar þeirrar tónlistar sem hann skildi eftir sig sé ekki meiri en um þrjár klukkustundir þykir Varése með stærri áhrifavöldum í tónlistarsögu 20. aldar, einkum hvað varðar raftónlist. Density 21.5 var samið 1936 fyrir flautuleikarann Georges Barrere og frumraun hans á flautu úr platínu. Uppbygging verksins er um margt merkileg og hefur verið marg-analíseruð. Hún byggir á tveimur einföldum stefum sem ganga gegnum verkið allt, annað er modal og hitt atónal. Density 21.5 er eina einleiksverk Varése en aðferðir hans í notkun mismunandi blæbrigða og tónhæðabreytinga skapa einstaklega heildstæða pólýfóníska uppbyggingu. Density 21.5 er, að mati flautuleikarans sem hér blæs, besta einleiksverk sem skrifað hefur verið fyrir hljóðfærið. (MÓ)

Til baka á aðalsíðu